რიცხვებთან მოგიწიათ
საქმის დაჭერა?

ჩვენ თვალყურს მივადევნებთ და შევაფასებთ თქვენი ბიზნესის თუ ცალკეული პროექტის მიმდინარე მდგომარეობას. შევამოწმებთ, რამდენად წარმატებით აღწევს ის დასახულ მიზანს და გამოვავლენთ, თუ რაიმე არასწორად მიდის. ეს ინფორმაცია ეფექტურობის სხვადასხვა მაჩვენებელს დაეყრდნობა, რაც შესაძლებლობას მოგცემთ, პროაქტიულად მართოთ თქვენი ბიზნესის მუშაობა. თქვენს მენეჯმენტს პრიორიტეტების შესახებ ნათელი წარმოდგენა შეექმნება.

ჩვენი ფინანსური ანალიზი მოგაწვდით ინფორმაციას თქვენი კომპანიის მომგებიანობის, ეფექტურობის, ლიკვიდურობისა და სტაბილურობის შესახებ. მისი დახმარებით თქვენ მიიღებთ გადაწყვეტილებებს: კაპიტალის დაბანდების ან დაკრედიტების შესახებ; ბანკებთან მოლაპარაკებებისას; განაგრძოთ თუ დაასრულოთ თქვენი მთავარი ოპერაცია ან თქვენი ბიზნესის რომელიმე ნაწილი;

ბიზნესის მეპატრონეებსა და მენეჯერებს ყოველდღიურად უამრავი გადაწყვეტილების მიღება სჭირდებათ. მიზნების მისაღწევად, სწორი გადაწყვეტილების მიღებას თქვენი ბიზნესის მდგომარეობის შესახებ, ჩვენგან მოწოდებული სიღრმისეული ანგარიშით შეძლებთ. ჩვენ თავს მოვუყრით და გავაანალიზებთ ფინანსურ ინფორმაციას, რამდენად აღწევს თქვენი კომპანია დასახულ მიზნებს. ეს თქვენს მოუცლელ მენეჯერებს ინფორმირებული გადაწყვეტილების მიღებაში დაეხმარება.

ვერ წყვეტთ, სად სჯობს ფულის დაბანდება? ცდილობთ, არსებული სტრატეგიული შესაძლებლობებიდან საუკეთესო აარჩიოთ? მიმდინარე გეგმების გადახედვა გსურთ? ამისთვის ბიზნეს მოდელირება გესაჭიროებათ.

<br/>ახალი ინვესტიცია, სტრატეგიული შესაძლებლობების შეფასება თუ მიმდინარე ოპერაციები – ბიზნეს მოდელირებას ყველა ამ გადაწყვეტილების მიღების პროცესში ცენტრალური ადგილი უკავია. ჩვენს მიერ შექმნილი ბიზნეს მოდელით თქვენ შეძლებთ რისკები გათვალოთ და სწორი  გადაწყვეტილებები მიიღოთ.

საბუღალტრო საქმიანობა, როგორც წესი, არავის ეხალისება, თუმცა მისი კეთება გარდაუვალია. მოგვანდეთ თქვენი ბუღალტერია. ეს საშუალებას მოგცემთ, თქვენი დრო და ენერგია ბიზნესის სხვა, უფრო სასიამოვნო ასპექტებს დაუთმოთ. თქვენ ბიზნესის გაფართოებით დაკავდით, ბუღალტერიაზე ჩვენ ვიზრუნებთ. ჩვენ ყოველდღიურ საბუღალტრო მომსახურებას გთავაზობთ – თქვენი ყველა ტრანზაქცია დახარისხებული, აღრიცხული და დამუშავებული იქნება.

ხშირად ამბობენ, რომ ფინანსური ანგარიშწარმოება ნებისმიერი ბიზნესის შიდა საქმეა, მაგრამ კითხეთ საკუთარ თავს – გაქვთ კი ამ საქმისთვის საჭირო კომპეტენცია ან საკმარისი რესურსი? მოგვანდეთ თქვენი ბიზნესის ფინანსების მართვა და ანალიზი, ჩვენ თქვენს მაგივრად მოვამზადებთ ფინანსურ და საგადასახადო ანგარიშებსაც. ამ გზით თავიდან აიცილებთ შეცდომებს ანგარიშგებისას, შესაბამისად, დაზოგავთ ფულსა და დროს. თქვენი საჭიროების მიხედვით, შეგვიძლია, ანგარიშგება მუდმივი აუთსორსის რეჟიმში ვაწარმოოთ ან დაგეხმაროთ მხოლოდ მაშინ, როცა გჭირდებით – მაგალითად, თუ საგადასახადო წინასწარი შეფასება (due diligence) გსურთ, ან დამატებითი ღირებულების გადასახადის ზედმეტობის დაბრუნებას ცდილობთ.